علامات أونلاين alamatonline,موقع علامات
سخر حسام السكري، الإعلامي ورئيس إذاعة بي بي سي العربية السابق، من بيع قائد الانقلاب عبد الفتاح السيسي، لجزيرة ثيران وصنافير للملكة العربية السعودية، وقال:”الحمد لله أننا عزلنا مرسي قبل أن يبيع جزيرتي صنافير وتيران لقطر” .
وأضاف ساخرًا على صفحته الشخصية علي موقع التواصل الاجتماعي فيس بوك:”اللي بيتكلموا عن التضحية بالروح والنفس وكل غالي وعزيز ومقدس علشان شبر من التراب الوطني يبدو أنهم مش جايبين الكلام من فراغ ، لكن فيه حاجة مش قادر أفهمها حقيقي”.
وأضاف “معنديش شك في قيمة الأرض للإنسان حتى لو كانت تربة مقفرة لا زرع فيها ولا ضرع (يعني حاجة قاحلة خالص ومالهاش تلاتين أي لازمة)”.
وأوضح قائلاً: “رغم ده كله، مش فاهم نسبية قيمة الإنسان، في مقابل قيمة الأرض، في ده كله، موافق إن الأرض مهمة، لكن باقول برضه إن الإنسان مهم جدًا جدًا جدًا”.
وتساءل: “ليه الأرض أحيانًا بتكون أغلى من الإنسان عند الإنسان، وهل فعلاً اللي زرعوا فينا فكرة إن الأرض أغلى من الإنسان كان عندهم حق؟ كما تعجب من “اللي بتحصل قدامهم جريمة واتنين وفي التالتة بيستمروا في المشاركة بالصمت ومع الرابعة والخامسة بتتحول المشاركة لمباركة وتأييد، وفي السادسة الناس بترقص والسابعة بتبقى مهرجان دعم ، وبالروح.. بالدم.. نفديك ياللي بتهدر الدم”.
