السيسي يحذر المصريين من خراب لو ثاروا: “بتحملوا نفسكم فوق طاقتها وبعدين تثوروا!!


عاد رئيس النظام المصري عبد الفتاح السيسي ليحذر المصريين من الثورة ضده ويبدي قلقه من ثورة محتملة خلال افتتاح مجمع طبي عادي بالإسماعيلية.

السيسي قال في معرض حديثه عن الزيادة السكانية: «انتوا بتحملوا نفسكم وأولادكم والدولة فوق طاقتها، وبالتالي تثوروا وتخرجوا للشوارع وتهدوا بلدكم، ويفضل المسلسل خراب في خراب، الناس عايزه تعيش، هنعيش إزاي؟”!!.

وقال السيسي عن أوضاع القطاع الطبي: بنحاول نحسن على قد ما نقدر.. وأجر الشهداء عند ربنا! وأرجع انخفاض رواتب القطاع الصحي والتعليمي في مصر إلى الزيادة السكانية الكبيرة!

وأوضح ذلك قائلا: «بالنسبة للناس اللي استشهدوا من القطاع الطبي، المقابل بتاع ده إيه؟، المقابل عند ربنا بقى، لكن إحنا كمصر وكبشر مش هنقدر نديهم حاجة لأنهم راحوا عند ربنا، لكن على الأقل هنحاول نقدم بديل جيد للموجودين، وده مش هنقدر نحققه بمعدلات النمو السكاني الحالية”.

وزعم السيسي أن: «من حق الناس تعبر عن رأيها وتعارض ولكن بشرط»!!

وأضاف: «استوقفتني جملة حقوق الإنسان أن المسار السياسي مش هو فقط الحقوق، أيوة من حق الناس إنها تعبر عن رأيها، من حق الناس تعترض ويكون في معارضة ولكن الهدف منه سواء التعبير عن الرأي أو المعارضة السياسية هو تحسين أحوال الناس، وتحسين حياتهم، هذا الهدف، مش المعارضة للمعارضة ولا للناس تتكلم، لا بتتكلم علشان نقول إن فيه مشكلة وهذا نقبله، ولكن بشرط أن يكون الشخص فاهم بيقول إيه، أنا بتوقف عند هذه الكلمة كثيراً، لأن الدولة المصرية تكون جادة وأمينة ومخلصة في مواجهة تحدياتها هيخفف العبء كثيراً على الرأي والمعارضة».


Comments

comments

شاهد أيضاً

الافراج بـ “نص المدة” ميزة للسجناء الجنائيين في مصر وممنوعة علي “السياسيين”!

أقر البرلمان المصري تعديلات تشريعية تحظر الإفراج الشرطي عن المدانين بموجب قانوني التظاهر ومكافحة الإرهاب، علي عكس …