شاهد.. محامي جنينة “يسلخ” سمير صبري

اندلعت مشادة بين علي طه – محامي المستشار هشام جنينة – وبين المحامي سمير صبري على خلفية عزل المستشار جنينة من منصبه بالجهاز المركزي للمحاسبات .

وقال “طه” لـ”صبري” : من الذي عينك محتسب باسم مصر ترفع قضايا حسبة ضد هشام جنينة وغيره؟ .. ورد “صبري” : لم أرفع قضايا حسبة ضد أي حد ولكني اتكلم عن الحرب الضارية التي يشنها هشام جنينة ضد الدولة المصرية.

وقاطعه محامي “جنينة” قائلًا: رئيس الدولة المصرية قال بنفسه أن كل مؤسسات الدولة فيها فساد .. انت هتكذّب السيسي؟ .. وهو قال نفس كلام هشام جنينة ان المؤسسات فيها فساد .

وأضاف: هي اللجنة اللي معترضة على كلام جنينة مقالتلناش عملت ايه في الفساد حتى لو كان المبلغ ربع دة ؟ في اللي نهبونا وسممونا وسرطنونا وخلوا ثلاثة ارباع شعب مصر بياكل من الزبالة ؟ عملوا ايه مع اللي اشتروا ارض العياط بـ 50 جنيه الفدان وكسبوا منها في سنة 300 مليار؟ .

وقاطعه سمير صبري قائلًا: انت بتتكلم عن عهد مبارك .. فرد “طه” قائلًا: هو السيسي لما جه بعد مبارك حاسب اللي نهبوا وافسدوا؟ سمعت عن مين أتحاسب ؟ سمعت عن مين سرق ورجع اللي سرقه؟ لجنة سياسات مبارك لسة راكبة الطيارة “.

https://youtu.be/gisFKnQnsD4