أبوعرايس: “اتخدعت في قيادات العسكر”

صرح، الناشط السياسي سامح ابو عرايس “”مدير حملة عمر سليمان، وأحد ابناء مبارك” أنه تم خداعه في تأييده للقيادات العسكرية التي كان يؤيدها ويساندها بشده في البرامج الفضائية من قبل.

قال “أبو عرايس” في تديونة نشرها عبر صفحته بموقع “فيسبوك”:”زي الأيام دي من ست سنين كنت باطلع على الفضائيات أطالب الناس بالوقوف مع المجلس العسكري .. وباقول ان الرئيس لازم يكون من خلفية عسكرية علشان اللي انتمى في يوم للجيش مش ممكن يعمل سياسات ضد شعبه أو يلغي الدعم ويرفع الأسعار ويخضع لصندوق النقد الدولي”.

وتابع بقوله: “كنت مقتنع جدا بأن القيادات العسكرية مستعدة تضحي بنفسها علشان مصلحة البلد ومش ممكن تهتم بمصالح شخصية .. وان الجيش مش ممكن يطلق النار على الشعب .. وكنت مقتنع جدا بالكلام ده لدرجة اني مرة اتخانقت وتركت الاستوديو علشان المذيع هاجم المجلس العسكري”.

واشار بقوله: “النهاردة بعد سنين اكتشفت اني كنت مخدوع فيهم .. وان هدف كثير من القيادات العسكرية كان مصالح شخصية فقط .. وان اللي من خلفية عسكرية عادي انه يعمل سياسات ضد شعبه زي اللي بيحصل الأيام دي .. وان الجيش ممكن يطلق النار على الشعب زي اللي حصل في رابعة والنهضة ورمسيس”.

واستطرد قائلاً: “فوق كل ده قيادات الجيش ديكتاتورية بطبعها وشايفة الشعب انه لازم ينفذ الأوامر زي العساكر وده بينعكس على نوعية الحاكم اللي من خلفية عسكرية .. علشان كده النهاردة باقول يسقط حكم العسكر” !!