علامات أونلاين alamatonline,موقع علامات
علق الدكتور أحمد عبد ربه، أستاذ العلوم الساسية بجامعة القاهرة والجامعة الأمريكية، على مطالبة قائد الانقلاب عبد الفتاح السيسي الشعب التبرع لمصر بـ”الفكة”، خلال افتتاحه لمشروع غيط العنب بالإسكندرية.
وقال في تدوينة عبر حسابه بموقع التواصل الاجتماعي “فيس بوك”: “مفيش دولة بتنهار علشان فيها ناس بتشيع التشائم ، ولا فيه دولة بتتبى بلم الفكة – وهي فكرة بالمناسبة مش جديدة واتطبقت في بعض المؤسسات وفشلت، ولا فى دولة هتكون أمنة علشان الجيش يقدر ينتشر بعرضها فى ٦ ساعات، ولا لما الناس تركب عجل ولا أما تصبح على بلدها بجنيه”.
وأضاف: “الدول بتتبنى بخطط وبرامج وكفاءات بتتنافس بيها أحزاب وتيارات سياسية بقواعد دستورية وقانونية عادلة وفي بيئة سياسية حرة بحيث يكون الخيار الأول والأخير للناس ويكون فيه رقابة ومحاسبة على عملية توزيع موارد الدولة، وتقوم كل مؤسسة بدورها الطبيعي فى بناء البلد بحيث ينتهى حكم الفرد”.
وتابع: “الفشلة بتوع ما سنغافورا والصين نجحوا ولا الجهلة بتوع هنبقي نموذج الإمارات دى ناس المفروض ميتردش عليها علشان فروق التاريخ والموارد واضحة ومش محتاجة عبقرية علشان نقول انها مستحيل تتطبق في مصر”.
وواصل: “أي كلام تانى غير كدة هو اللي بيدفع البلد للانهيار وياريت الناس الطيبة متنخدعش بكلام أراجوزات الميديا والأكاديميا والسياسة علشان دول أول ناس بيهربوا وقت الجد”.
