أبو عرايس يكشف أكاذيب عضو تمرد وإفترائه على صفوت حجازي

كشف، الناشط السياسي، سامح أبو عرايس “مدير حمله أبناء مبارك” أكاذيب عضو تمرد التي قالها بحق “صوت حجازي” خلال لقائه ببرنامج  المذيع الانقلابي أحمد موسى على قناة صدى البلد. 

وكتب “أبو عرايس” تدوينة نشرها عبر حسابه “فيس بوك”، قال فيها: “محمد النبوي بتاع تمرد عمل اتصال مع أحمد موسى بيقول ان صفوت حجازي بلغه بمذبحة بورسعيد قبل حدوثها بعشر دقائق .. فاتصل فورا باللواء حمدي بدين مدير الشرطة العسكرية وقتها علشان يبلغه”.

وتابع “ابو عرايس”: “علما بأن محمد النبوي وقتها كان بيهتف يسقط حكم العسكر وعامل انه ضد المجلس العسكري .. كده فضح نفسه .. يعني انت من البداية أمنجي وشغال مع المجلس العسكري في السر وكان معاك تليفون حمدي بدين وبتكلمه عادي وانت بتظهر قدام الناس انك ضد المجلس .. يبقى ببساطة انت كذاب”.

واشار بقوله: “يبقى صفوت حجازي غالبا مقالش على مذبحة بورسعيد أو كل الكذب اللي ادعيته ده .. ويبقى غالبا اللي كانوا مشغلينك قبل كده هم اللي أمروك تتصل بالبرنامج وتقول الكلام ده دلوقت علشان تلبسها للاخوان”.

ووجه “ابو عرايس” حديثه لـ”النبوي”: “كشفت نفسك يا حلو .. وكشفت الترتيبات اللي بتحصل مع ناس كثير من اللي بيظهروا انهم كانوا مع الاخوان أو الثوار ويقولوا دلوقت شهادات ضدهم علشان يخدعوا الغلابة” !!

جدير بالذكر أن محمد نبوي عضو حركة تمرد زعم خلال برنامج “أحمد موسى” على قناة صدى البلد أن الدكتور صفوت حجازي، كان على دراية بتوقيت مذبحة بورسعيد.