أحمد المحمدي المغاوري : المجني عليه .. جنيه

المجني عليه .. جنيه.. اصحى يا بيه.

يصرخ يقول .. يا ابن الأصول

للخسيس بعتوني ليه.

وللدولار سيبتوني .. يجيبوني ويودوني .. ماتلحقوني.

دا السيسي ناوي ليَّه .. على نيَّة.

إنوا يخلي الدولار منِّي بميَّه.

بعد ما باع الخاين الغاز والميَّه.

ولسه اللي جاي كتير.. يا ست بهية.

ما هو اللي باعني وباع نفسه باع العرض.

وباعكم لأسياده.. ناوي يا حاجة يجيبني الأرض.

دا أنا المجني عليه جنيه مصري .. مش هاانسى أبدا في عصري.. حلم .. واسم ..عشته

 هوا الرئيس مرسي .. قلبوا عليه الكرسي.. ومالحقتش آخد نَفَسي

عمل لي قيمة.. سمعة وسيمة .. وبقيت في سنته جنيه. وبسرعة انقلبوا عليه.

ولما خان الخسيس نهبني .. وجابني فطيس.. وسابني .

ماعادش ليه تمن…أه يا زمن!

دا أنا كنت زى الدهب.. يا دي العجب.

مين السبب؟.سايبنيي ليه؟ ثوروا عليه.

أوعوا تسيبوني .. إما أموت أو تلحقوني!

المجني عليه مصر .. مش جنيه.. اصحى يا بيه.