علامات أونلاين alamatonline,موقع علامات
اقترح الإعلامي الموالي للانقلاب تامر أمين “مقدم برنامج “الحياة اليوم” حل مشكلة الإسكان في مصر عن طريق وضع ضريبة تصل إلى 100 ألف جنيه على كل فيلا يزيد ثمنها عن 3 مليون جنيه ، وذلك من أجل شراء شقة لفقير.
وأشار “أمين” في برنامجه إلى أن هذه هي العدالة ، موجهًا حديثه للأغنياء: “طلع الفلوس دي واعتبر نفسك بتدبح .. بدل ما يجي يوم وتتدبح .. ومتسألش أنا كغني ذنبي ايه؟ اسأل أنا ثوابي هيبقى ايه؟”.
وتابع: “ثوابك في الآخرة أنت عارفه .. في الدنيا ثوابك أنك هتحقق السلام الاجتماعي مش هتخلي في حقد وحسد ومش هتخلي الغلبان يبص للي في ايدك ومش هتخلي الغلبان يجي يوم ويمد ايده وياخد اللي في ايدك .. مش احنا بنقول إن هيجي لحظة لاقدر الله ويكون فيه ثورة جياع أو ثورة عرايا .. دي هتحصل لما الناس تلاقي فيه فلوس كتير جدًا قدامها وهي مش عارفة تأكل عيالها .. هي دي فلسفة التكافل الاجتماعي”.
واستدرك: “طالما الغني معندوش دم ومبيطلعش زكاة صح وصدقات صح ومبيدفعش فلوس لصندوق “تحيا مصر” صح ومبيطلعش فائض أمواله يبقى ياخد فوق دماغه وتتعمل بضرائب تصاعدية بشريحة زي اللي أنا عملتها على الإسكان بشرائح الكهربا أو بأي طريقة”.
