السيسي: أمرت بحبس صاحب عمارة حتى يتنازل عن الأرض!

قال عبد الفتاح السيسي أن”كل طوبة بتتعمل في البلد أنا معاها وشايفها”، وكشف عن أنه أمر باعتقال رجل أعمال وسجنه حتى يتنازل عن أرض عمارة بناها في ميناء الإسكندرية.

قال” “كنت ورا الراجل اللي بنى العمارة المخالفة في ميناء إسكندرية، قلت يتقبض عليه وميخرجش إلا لما يسيب الأرض، كده ولا نسيت”، موجهًا حديثه إلى وزير النقل، الذي أكد حديثه.

زعم أن “اللي خد الأرض جوا المينا لا يمكن يسيبه، حتى لو عمل ورق في غفلة من الزمان”، واستطرد “لو معملتش كده يقدر المحافظ يعمل كده؟ لا خايف، يقدر وزير النقل يعمل كده؟، مش أنت، لا خايف”.

وانتقد مغردون ما قاله السيسي مشيرين لعدم تصديقهم أن يقول شخص يدعي انه رئيس الجمهورية ذلك.

قالوا إنهم لا يستسيغون ان رئيس الجمهورية يؤمر أن مواطن يتحبس لحد ما يسيب ارض يملكها عشان يخرج من الحبس، بذريعة ان ورقه اتعمل في غفله من الزمن؟.

نبهوا أنه مفروض في دولة القانون “المزعومة” اللي بين الناس والسلطة التنفيذية وغيرها هو القضاء والنيابة يعنى يبقى فيه قضية و تحريات”.

قالوا: هل موضوع حبس صاحب البرج ده وطرحه على العلن انجاز وشجاعة من قائد عاوز يبنى بلده، مش بيدى انطباع مرعب لأصحاب الملكيات الخاصة والقطاع الخاص، وبيعيد تفسير حبس صاحب جهينة والقضايا التي لاحقت اخرين وبتبرر رؤوس الاموال المصرية هربت ليه ومفيش حد عاوز يجى من برة ليه؟”.

وزعم السيسي: “اللي عاوز يبني بلده مبيخافش أبدًا إلا من ربنا اللي هيحاسبه، أنا بقول الكلام ده وبشرح فيه كتير، أكتر كتير من اللي أنت (وزير النقل) بتقول عليه، عشان أيه، عشان في كتير يقولك أنتم الطريق ده بتعملوه ليه، وتردم هنا ليه، بردم هنا ليه!”

وزعم” “المستقبل بتاعة البلد دي لو مفيش بنية أساسية تليق بدولة أنتم مش بتعملوا مستقبل خالص، وتقول لي الأكل والشرب وبتاع؟ هو ده”، في إشارة إلى مشروع تطوير ميناء الإسكندرية.

وتساءل السيسي مستنكرا “هو إحنا حرمنا الناس عشان نعمل ده يا كامل؟ وأجاب الوزير: لا طبعًا، وتابع السيسي “لا، إحنا بنقسى على نفسنا شوية أيوة”.

ومع هذا قال السيسي إن “الناس بتقول إيه لازمة الطرق.. دي خطة.. ولو عاوزين تحاسبوا فيها حد، حاسبوا الدكتور مصطفى مدبولي.. لإنه هو اللي كان ماسك التخطيط العمراني للدولة وكان بيقول عاوز يعمل الكلام ده كله بس مش قادر” وتابع ممازحًا مدبولي “أديك قدرت يا دكتور مصطفى وجايب لنا الكلام أهو”.

وبلغ حجم الإنفاق على مشروعات الطرق في عام 2018 نحو 14 مليار جنيه، ارتفعت إلى 26 مليار جنيه في 2019، ثم إلى نحو 28 مليارًا في 2020، بحسب مركز معلومات مجلس الوزراء.