علامات أونلاين alamatonline,موقع علامات
استنكر الدكتور عصام حجي، عالم الفضاء المصري والمستشار العلمي للرئيس السابق، كم البلاغات الملفق ضده من قبل محامي مغمور يتهمه بـ”التحريض ضد الدولة والاشتراك في أنشطة محظورة”، واصفًا تلك البلاغات بـ”التافهة”.
وعبر حجي عن رفضه لتلك البلاغات عبر حسابه الموثق على “فيس بوك” ليل أمس السبت قائلًا :”بيان تافه لكن واجب: لا أعرف ماذا يجمع بين اكتشاف المياه على المريخ والتحريض على الدولة؟؟ وإيه حكاية الاشتراك في نشطات الجماعة!!”.
وأضاف ساخرًا :”هما راحوا المريخ ولا إيه؟؟ أنا بصراحة تهت من كثرة البلاغات والخيال الخصب لمقدميها. مرة تتهم بالخيانة علشان صباع كفته ومرة علشان مياه على المريخ!!”.
وتابع:” السادة مقدمي البلاغات، تخيل حضرتك إن في فعلا إنسان وظيفته يدور على مياه على المريخ؟؟ آه أنا ده شغلي اللي بأخذ عليه مرتبي من 21 سنة ومش عميل زي ما أنت فاكر”.
وأردف قائلا:” حضرتك بتضحك ومش بتصدق بس الحقيقة إن دي الوظيفة الوحيدة لإنسان ملوش وسطة في بلدنا، إنه يدور على حاجة ببلاش في حته بعيدة (مايه على المريخ)”.
وأمضى قائلا:” الحمد الله دلوقتي اترقيت وبدور كمان على مياه على أقمار زحل والمشترى (والله بجد)، ونشرت البحث من سنة (..) لو المريخ بيزعلكم ويبهدد الأمن القومي وعليه إخوان (حسب مفهوم بلاغكم) أنا الحمد الله تبت وشغال زحل والمشترى والمذنبات دلوقتي. ولا أروح فين بس علشان مزعلكمش!! إحنا بتوع المريخ!!.
واختتم بيانه ساخرًا:” ياجماعة أي حد داخل على كمين ومعاه كوكب، يفتح الشباك ويرميه. بلاش المريخ اليومين دول”.
يشار إلى أن محامي مغمور يدعى “طارق محمود” تقدم يوم أمس السبت ببلاغ لنائب عام الانقلاب، اتهم فيه عالم الفضاء “عصام حجي” بـ”التحريض على الدولة المصرية والتشارك مع جماعة الإخوان لتحقيق أهدافها”.
وزعم بلاغه :” عصام حجى الذي يتنقل حاليا ما بين أمريكا وتركيا يتعمد نشر أخبار كاذبة عن الدولة المصرية عبر صفحته الرسمية على موقع التواصل الاجتماعي تويتر بغرض الإساءة لمصر والتحريض عليها وتشويهها في الخارج”.
وطالب البلاغ بفتح تحقيقات عاجلة وفورية فى تلك الوقائع، وإصدار أمر ضبط وإحضار لعصام حجى ووضع اسمه على قوائم ترقب الوصول للقبض عليه فور وصوله الاراضى المصرية، وإخطار الانتربول الدولى لإدراج اسمه على قائمة النشرة الحمراء للقبض عليه وتسليمه للسلطات المصرية، واحالته لمحاكمة جنائية عاجلة.
