زوجة تكشف تلفيق الانقلاب لزوجها المهندس مشكلة قطع الكهرباء عن مطار القاهرة

كشفت زوجة المهندس احمد سيد مهندس كهرباء في مطار القاهرة صالة 3 عن واقعة تلفيق سلطات وامن الانقلاب لزوجها ازمة قطع الكهرباء عن مطار القاهرة.

وأوضحت الزوجة في منشور لها على صفحتها على الفيس بوك ان الامن وضع زوجها وزملائه ككبش فداء لاسكات الاعلام عن انتقادهم .

وكتب الزوجة على صفحتها قائلة : ” انا مرات المهندس احمد سيد مهندس كهرباء في مطار القاهرة صالة 3 ..يوم الخميس 27/7 الساعة 1am انقطعت الكهربا عن المطار ساعة و تلت مش زي مالاعلام بيقول 3 ساعات و كان سببه عطل فني حصل فمطارات كتير فالعالم و الكلام ده على لسان وزير الطيران.. جوزي كان فوردية الصبح و مهندس تاني كان ساعة قطع الكهربا كلموه و كلمو كل المهندسين جابوهم عشان يشوفو المشكلة و بعد ماتحلت كانو بيحققو عن الاسباب لحد ما ظهرت الاعلامية لميس الحديدي اللي لا تفقه شئ عن الاعلام و فسرت القطع ده انه عن عمد و الاخوان والحاجات اللطيفة اللي كلنا عارفنها و اول ماحلقتها خلصت كلمو كل المهندسين كانو 11 مهندس استدعوهم و حققو معاهم يوم كامل اكتر من لجنة و كانو موجهنلهم تهم تمس الامن القومي و تخص الارهاب و عايزين يلبسوهم فبعض عشان يقولو على بعض كلام محصلش و في الاخر احتجزوهم 15 يوم مع ان الطبيعي اول حجز يكون 4 ايام فقط و بعتوهم قسم النزهة و بعدها بيوم اتنقلو سجن النهضة محبوسين كل واحد لواحده مع الحرامية و تجار المخدرات ولا كأنهم مجرمين و الزيارة يوم واحد فالاسبوع و مش بنقعد كمان داحنا بنشوفه من بعيد كده و حاجه اخر بهدلة و على اساس ايه يدخلوهم سجن احتياطي اصلا و هم لسه مأثبتوش عليهم حاجه بس عشان الاعلام يرتاح و يقولو عليهم متهمين…طب متهمين فايه انا مش عارفه!!المهندسين دول كلهم محترمين و ولاد ناس و اقل واحد فيهم شغال فالمطار من 3 سنين و قدموله كتير و فالاخر تبئا جزاتهم كده حابسنهم عشان لسه بيحققو لان لسه مش عارفين ايه القضيه و النائب العام مانع انهم يعملو توكيلات لمحامي و المطار كل ده ولا هنا طبعا ماهو خلاص رامولهم كبش الفدا …حسبي الله العظيم فالظلمة و حسبي الله العظيم فالاعلام ..”