مفاجآت جديدة عن الفتاة المنسحبة من منتدى شباب العالم

كشف سامح أبو عرايس – مؤسس حملة “أبناء مبارك”، والداعم السابق لنظام عبدالفتاح السيسي، – عددًا من المعلومات الجديدة عن الدكتورة نهى عبد الكريم التي انسحبت من مؤتمر شباب العالم.

وقال “أبو عرايس” في تدوينة عبر حسابه بـ”فيس بوك” : “البنت اللي انسحبت من المؤتمر بتاعة أنا جاية من أمريكا طلعت لا خبيرة طاقة ولا أمريكية ولا حاجة .. البنت خريجة الأكاديمية العربية في الاسكندرية وسافرت أمريكا من خمس سنين بس .. وتخصصها علوم سياسية وكل الموضوع إن الدكتوراه اللي بتعملها عن سياسات الطاقة .. يعني مش خبيرة طاقة ولا خبيرة أمريكية معروفة كما قدمت نفسها”.

وأضاف: “أنا برضه استغربت لأن الخبراء والعلماء الحقيقيين مش بيتكلموا أو بيتصرفوا بالأسلوب ده لكن بيكونوا غالبا محترمين ومتواضعين .. اللي حصل ده مش بس فضيحة للبنت دي لكن فضيحة للمؤتمر نفسه ومنظميه إنهم جايبين ناس بيقدموهم كخبراء دوليين وهم مش خبراء ولا حاجة .. والموضوع مجرد منظر ولقطة .. البنت دي اكتشفنا مثلا حقيقتها بسبب الدوشة اللي عملتها .. يا ترى كام واحد أو واحدة غيرها تم تقديمهم في المؤتمر على انهم خبراء في مجالاتهم على غير الحقيقة ؟ واضح إن الموضوع كله مجرد لقطة وفنكوش” حسب تعبيره.