علامات أونلاين alamatonline,موقع علامات
استنكر نجل الدكتور عبد المنعم ابو الفتوح رئيس حزب مصر القوية ما وصفه بمصادرة حق والده كمحبوس احتياطى بالاضافة إلى تدهور حالته الصحية .
وكتب أحمد تدوينة طويلة على حسابه فيسبوك فى هيئة عدة أسئلة عن والده وحقوقه كسجين واصابته بأمراض خطيرة داخل السجن فى مقابل رفض الأمن السماح له بالذهاب للمستشفى قائلا : ليه أبويا يتعرض لذبحة صدرية أكثر من مرة ويطلب يروح المستشفى وطلبه يترفض ؟
ليه يتعرض لانزلاق غضروفى ويتألم ومش قادر يتحرك ويخدم نفسه ويطلب يروح المستشفى ويترفض ؟
ليه ترفض عمل فحوصات طبية سواء فى مستشفى السجن او فى اى مستشفى حكومى طبقا لقرار النيابة ؟ هل فى تشخيص بدون فحص ؟
ليه يطلب أطباء علشان يكشفوا عليه وميجوش سواء قلب او عظام او علاج طبيعى أو رمد ؟
ليه ممنوع استخدام الاجهزة الرياضية لتماريم العلاج الطبيعى معالجة الانزلاق الغضروفى فى السجن ؟
ليه محبوس انفرادى ؟
ليه مقفول عليه الباب 22 ساعة ويوم الجمعة 24 ساعة ؟
ليه قاعد فى الحر فى زنزانة بدون تهوية عبارة عن فرن لا يطاق ؟
ليه ممنوع تدخله ثلاجة صغيرة لحفظ الدواء قبل الطعام ؟
ليه مفيش ورقة وقلم ؟
ليه ممنوع استخدام مكتبة السجن ؟
ليه ممنوع يخرج بره العنبر ويتمشى فى طرقة العنبر فقط ؟
ليه بتدخل الاكل بالمزاج وتختار بمزاجك ده اه او ده لا ؟
ايه رافض تنقله فى زنزانة آدمية ؟
ليه ضابط الامن الوطنى يحضر الزيارة كل مرة ؟
واختتم قائلا : ليه عبد المنعم ابو الفتوح محبوس ؟ ليه مفيش قانون ؟
