باسم يوسف لـ “السيسي”: شكلك مش فاهم حاجة

وجه الإعلامي باسم يوسف رسالة للرئيس عبد الفتاح السيسي حول الاوضاع الامنية والاقتصادية في مصر قائلًا في رسالته : “انت المسؤول” .

وقال “يوسف” في تدوينة : طبيب الفلاسفة عبفتاح السيسي : أصل حاجة من الاتنين : يا اما انت مسئول مسئولية كاملة عن اللي بيحصل في البلد من بلطجة أمناء الشرطة لحبس كمية الناس المظلومين من ناس مالهاش ضهر لشباب مالهمش ذنب لكتاب و صحفيين مش المفروض يبقوا في السجن لاقتصاد بايظ بسبب قرارات غبية قلنا قبل كده انها غبية لناس بتطلع تهفلط و اسمهم لواءات لسياحة بايظة مرة عشان طيارة بتقع و مرة عشان سلاح طيرانك بيطلع يضرب سياح في الصحرا للبوليس بتاعك بيقبض و يعذب و يقتل اجانب زي ما بيعذب المصريين في الأقسام لجهاز إعلامي موجه و قذر لخمسين حاجة تانية بتعبر عن الفشل و الغباء و الغشومية” .

وأضاف: “يا اما انت مسؤل عن كل ده مسؤلية كاملة يبقى انت كده صاحبي و حبيبي و كفاءة و عرفنا المسؤول مين يا اما انت مش مسؤول خالص و انت زيك زيينا بتتفرج و مش فاهم حاجة و مالكش لازمة زينا بالظبط و في الحالة دي اهلًا بيك في صفوف الجماهير. تعالى بقى، ما تيجي، مش تبقى تيجي ؟”.