علامات أونلاين alamatonline,موقع علامات
نفى الإعلامي الساخر باسم يوسف رواية عمرو أديب، مقدم برنامج “كل يوم”، المذاع على فضائية “أون إي”، حول سبب توقف برنامجه “البرنامج”، قبل حوالي ثلاثة أعوام.
عمرو أديب زعم في برنامجه، الاثنين، أن هجوم باسم يوسف على دولة قطر في أغنية “قطري حبيبي” الشهيرة، هو السبب الحقيقي وراء توقف برنامجه.
رّد باسم، الثلاثاء، في تدوينة نشرها على موقع “فيس بوك”، الثلاثاء، قائلًا: “أنا فعلًا بقيت أكبر دماغي عن الهبل الإعلامي اللي بيحصل في مصر من فترة، بس من وقت للتاني كده يطلعلك فيديو حلو بيحاول يلبس ثوب المهنية ويتظاهر أنه قلبه على ذاكرة الأمة وبيعيب أن الناس ذاكرتها ضعيفة”.
ووجه “يوسف” كلماته لعمرو أديب، قائلًا: “الأستاذ عمرو أديب بيحاول يثبت أن برنامجي اتوقف (آخر مرة زي ما بيقول) عشان أغنية قطري حبيبي. وبيقول أن وقف البرنامج كان وفاء لاتفاقية الرياض اللي تم توقيعها أواخر ٢٠١٣ وأوائل ٢٠١٤ عشان “محدش يتكلم عن قطر” زي ما بيقول وأن اللي عمل كده هو السعودية، مع أن أي عيل في فريق الإعداد عندك ببحث بسيط حيعرف أن الحلقة دي اتذاعت ٧ أبريل ٢٠١٣ قبل الاتفاقية دي والبرنامج كان ساعتها على سي بي سي واتوقف “أول مرة” بعد رجوع البرنامج بعد حظر التجول وبعد 30 يونيو 2013، وبعدين البرنامج اتنقل لام بي سي مصر واتكلمنا لمدة تلات أشهر على التزييف الإعلامي، شيكولاتة السيسي وإعلان ترشحه وجهاز الكفتة وحاجات تانية كتير، والبرنامج اتوقف لآخر مرة في يونيو ٢٠١٤ بعد وصول السيسي للرئاسة مباشرة”.
واختتم تدوينته قائلًا: “يعني على الأقل كلف نفسك وبص على التواريخ بدل ما تلبس وقف البرنامج في حد تاني”.
