بيزنس الانقلاب بمصر يقتل مرضى الفشل الكلوي

ناشد عمرو إسماعيل – مواطن مصري مصاب بالفشل الكلوي – وسائل الإعلام بضرورة تسليط الضوء على نقص المستلزمات في المستشفيات التي أدت إلى توقفها عن الغسيل الكلوي للمرضى، مؤكدًا أنه – هو وكل المرضى – سوف يموتون خلال أسبوع إذا لم يغسلوا.

وقال في تدوينة له على موقع التواصل الاجتماعى، “فيس بوك”، اليوم الأربعاء،”يا جماعة ارجوكم أصحابي اللي شغالين في التلفزيون والصحافة والسوشيال ميديا يساعدونا للوصول للإعلام …… احنا كمرضى فشل كلوي في انتظار الموت بوضع وأسعار الادوية ومستلزمات الغسيل والفلاتر السيئة”.

وأضاف: “أنا آسف معلش عندكم تريندات عالية الفترة دي وهي نجمات السينما وفساتينهم بس أقسم بالله …… احنا في انتظار الموت .. ماهو انت مش مجرب تستنى موتك .. أنا لو قعدت أسبوع ما اغسلش هاموووت فعليا …….أرجوكم شيروا انا عايز أطلع في التلفزيون أتكلم ……. معايا ملفات فساد كاملة في الموضوع ده عشان أنا عايشه وجواه .. ساعدونا عشان نلحق ننقذ مايمكن انقاذه .. الموضوع كبير والحكومة من جوه عاملة ضجة كبيره ومتكتم عليه عشان لو المسئولين اتعرفوا واتحاسبوا البيزنيس بتاعهم هايقف ….. خايفين على فلوسهم …..بس احنا من حقنا كمان نخاف علي حياتنا ونفسية أهالينا اللي ملهمش اي ذنب أنهم فقراء.

وختم تدوينته قائلا،  “ملحوظة احنا مش بنشحت حقنا ….. ده حقنا ودي بلدنا .. لو دي مش بلدنا مشونا منها …… ونوعدكم ولا هنجيب سيرتها بحلو ولا وحش .. بس نشوف حل احنا حياتنا واقفه بسبب المرض اصلا …. لأنه اغلبنا مش لاقي شغل … واللي شغال مايقدرش يعيش حياه طبيعية ويتحوز من فلوس الشغل ده”.