تدشين حملة “توأمة” لدعم المعتقلين بسجون الانقلاب

قام النشطاء والحقوقيون بإطلاق حملة على مواقع التواصل الإجتماعي، للتضامن مع المعتقلين بسجون الانقلاب حملت عنوان “توأمة المعتقلين”.

ومن جانبهم قال الداعون لها: “هناك معتقلين بالآلاف و كلنا بننسي، نتشارك صورة أو معلومة و بعدين بننسي”.

كما أوضحوا إن هناك “فكرة إتعملت سابقًا في بعض البلاد اللي مرت بظروف مشابهة من القمع، وكل واحد بيختار شخص واحد معتقل أو مختفي قسريًا أو محكوم عليه وبيركز كل جهده علي الشخص دا فقط، بيفكرنا بيه و بيفضل شايل قضيته و مع وجود السوشيال ميديا بقي في حاجات سهلة ممكن تتعمل و ندعو الناس عليها (إيفنت، صور، بوستر، هاشتاج، فيديو)”.

وتابع المسئولين عن الحملة: “الناس اللي بيتقال عليها مشاهير المعتقلين، اتشهرت لأن كان في حد مركز علي أنه يعرفنا بهم و يتابع موضوعهم و يطلب مننا نعمل حاجات و مايسبناش ننسي”.

وأضافت الحملة: “اختاروا أي معتقل أو مختفي قسرياً سواء تعرفوه بشكل شخصي أو سمعتم عنه،  جمعوا كل المعلومات عن شخص واحد بس و كل يوم، أسبوع، شهر، اعملوا حاجة عنه أو عنها بدأ من تدوينة و حتي حملة تدوين أو أي فكرة جديدة، بس متسبوناش ننسى”.