خبير سياسي مصري: مؤتمر الشباب مثل معسكرات إعداد الطلبة

علق الدكتور أحمد عبد ربه، أستاذ العلوم السياسية على المؤتمر الوطني للشباب، الذي بدأت فعاليته أمس الثلاثاء بمدينة شرم الشيخ المصرية.

قال في تدوينة عبر حسابه بموقع التواصل الاجتماعي “فيس بوك”: “تابعت ساعة ونص من ندوات مؤتمر الشباب بث مباشر، فيه كلام معقول اتقال، الحقيقة ان معظم الكلام اللى اتقال معقول ومنطقي على أقل فيما تابعت، لكن أنا اتعلمت من خبرات مشابهة سابقة أن الإطار مهم علشان الكلام ده يتحول لفعل”.

وأضاف: “وللأسف كالعادة ده إطار معسكرات إعداد الطلبة بنفس الفكر العقيم القديم في حشدهم وتغيير موقفهم بالاستمالة الشخصية، والصورة الحلوة، وحشد نفس النخب السلطوية بدرجاتها المتفاوتة علشان يملوا دماغهم بشعارات قديمة ومنطق معوج حتي لو الكلام كان شكله حلو”.

وتابع: “مش هزايد علي الشباب اللي راح لأن من حقهم يشاركوا ويجربوا ويخوضوا التجربة كاملة وبعدين يحكموا بنفسهم، المهم انهم يتعلموا من الخبرات المختلفة ويستفيدوا بقدر الإمكان من التجربة لعل فيها افكار جديدة مطروحة لكن في نفس الوقت يفهموا أن الأزمة فى مصر مش افكار ولا مبادرات ولا اجتماعات، الأزمة هى أزمة سياسات ووعى!”.