علامات أونلاين alamatonline,موقع علامات
طالب البرلماني السابق، زياد العليمي، القوات المسلحة و”الجيش”، بدفع ضرائب على أنشطته الاقتصادية قائلا: “لو وزارة الدفاع دفعت ضرائب عن أنشطتها الاقتصادية اللي بتمثل بحسب تقديرات الاقتصاديين ٤٠٪ من الاقتصاد الوطني، كان ممكن يتم دعم لبن الأطفال بالفلوس دي”.
وأضاف في تصريح له: “ولو اللي بيشتغلوا في المؤسسات الاقتصادية بتاعة وزارة الدفاع أخذوا رواتب توازي ما يتقاضاه اللي زيهم ف السوق، هيضخ فلوس في السوق”.
وتابع: “مش عاوزين حد يوفر السلع ودي مش شغلانته، ومش عاوزين حد يضحك علينا ويقول إحنا بنصرف على البلد وكأنها أصلًا مش فلوس البلد، عاوزين اللي يدخل الجيش يدافع عن البلد، مش يشتغل بالسخرة علشان يزود ثروات مانعرفش بتروح فين، ولما البلد بتحتاجها يتقال لنا لأ دي مش فلوس البلد، دي فلوسنا وإحنا بنصرف عليكم”.
وأردف: “بسيطة اللي يستثمر ف حاجة يدفع ضرايبها.اللي يستثمر ف حاجة مايشغلش عمال ببلاش.الجيش واجبه وحقنا عليه الحماية للبلد ولكل المواطنين بدون تمييز، ومش منة ولا فضل من حد إنه يعمل واجبه، عاوزينكم بس تدفعوا حق البلد”.
ومضي بقوله: “جوعوا عيالنا علشان تراكموا ثرواتكم، ادفعوا الضرائب والرسوم، جيش يحمي لا يملك، هذه بلادي وانت تحكمها لا بلادك ونحن نسكنها”.
