جمال الجمل ساخراً: مصر خرجت من التصنيف العالمي للتعليم لأن الدنيا حر جوه

سخر الكاتب الصحفي، جمال الجمل، من تصريح الدكتور طارق شوقي، وزير التربية والتعليم بحكومة الانقلاب، بشأن خروج مصر من تصنيف دعم التنافسية العالمي في مجال التعليم الأساسي.

وقال «الجمل» في تدوينة عى حسابه الشخصي عبر موقع التواصل الاجتماعي «فيس بوك»: «نصيحة، لازم نتعلم نسأل قبل ما ننتقد ونسخر من دولتنا العميقة».

وأضاف: «على سبيل المثال الناس اللي علقت بسخرية على خروج مصر من التصنيف العالمي للتعليم، عاوز أسألهم، شكلكم إيه دلوقتي لما يطلع واحد زي مصطفى بكري ويحرجكم، ويكشف إن دي خطوة مقصودة وفي وقتها  يا جهابذة».

وتابع الكاتب الصحفي: «مصر خرجت من التصنيف مع قدوم الصيف، لأن الدنيا حر موت جوه، والتكييف بتاع التصنيف بايظ، نسيب تعليمنا يتخنق جوه يعني». واختتم تدوينته قائلا: «اخرسوا بقى، وبطلوا إساءة لبلدكم».