علامات أونلاين alamatonline,موقع علامات
هاجم عمرو أديب، المحسوب على نظام السيسي، الارتفاع المستمر لأسعار السلع، والمواد الغذائية في مصر.
وقال أديب خلال برنامجه “الحكاية” على قناة “إم بي سي مصر”، إنه رغم ثبات سعر الدولار والبنزين مؤخرا، إلا أن الأسعار ترتفع بشكل أسبوعي.
وأضاف: “أروح كل أسبوع ألاقي السلعة غالية، محدش يقولي ما أنت أصلك مش فقير، ليه بتتكلم في الحاجات دي”.
وأردف: “أنا مش فقير، بس بشتري وبعرف، وإيه المنطق الجديد اللي عند الناس بتاع إن محدش يتكلم عن الحاجات دي إلا لو فقير، لو الموضوع كده، في دول كتيرة كانت الناس خرست خالص، لأن الفقرا بس هما اللي لازم يتكلموا عن الفقرا”.
وتابع أديب: “احنا بنتكلم في الموضوع، لأن التضخم علينا كلنا، كلنا بنصرف زيادة، وكلنا حوالينا ناس مسؤولة مننا عايزة، عايزة فلوس زيادة، ودي شغلتي إني أطلع أقولك الكلام ده”.
وأضاف: “في حاجة لازم تتفهم في البلد، لكن يبدو أن الحكومة نمّلت، بمعنى خلاص يا جماعة في غلا وانتهينا”.
وقال أديب إنه يجب على وزير التموين توجيه سؤال للتجار “إيه اللي بيجرى؟ لماذا؟”.
يشار إلى أن ارتفاع مستويات التضخم في مصر وتزايد الديون، مع تردي سعر صرف الجنيه أمام الدولار، أوصل البلاد إلى أزمة اقتصادية غير مسبوقة.
ويرى مراقبون، أن الأنظمة الاستبدادية تعمل على حث أذرعها الإعلامية لانتقاد لطيف لبعض سياسات الحكومة، دون التعرض لشخص الحاكم، كنوع من التنفيس، أو التمهيد لإجراء تغيير وزاري.
